FOS har fått tildelt kr 90000,- av Fylkesmannen til kompetansetiltak for flerkulturell pedagogikk og språkstimulering. Vi vil nå starta eit regionalt nettverk i regionen, der representantar for barnehagar som har mange born med fleirkulturell bakgrunn er deltakarar. Det blir lagt opp til 4 samlingar pr år med 2-3 deltakarar frå kvar barnehage. Mellom samlingane blir det prøvd ut i praksis det som blir tatt opp på samlingane – på denne måten blir det bygd opp kompetanse i regionen. Fokus vil vera på språkstimulering og fleirkulturell pedagogikk. FOS har alt knytta til seg ekstern kompetanse. Meir informasjon og invitasjon til å delta kjem etterkvart. Minnar og om at FOS i fjor utarbeidde ein rettleiar til arbeidet med fleirkulturelle born i skule og barnehage.

FOS har nå tildelt 2 nye skular besøksskulestatus: VÅGE SKULE, Bømlo og OMVIKDALEN OPPVEKSTSENTER, Kvinnherad. Desse to skulane har henholdsvis aldersblanda klassar og arbeidsmiljø og samarbeid i eit velfungerande OPPVEKSTSENTER som tema. Frå før har vi UNDARHEIM SKULE i Kvinnherad med mappemetodikk som tema.  Med dette set vi førebels strek for fleire besøksskular dette året. Vi ynskjer alle 3 lukke til og kjem tilbake med meir info om arbeidet etterkvart. Meir om dei tre besøksskulane kan du lesa her.