Meny
- Forsida
- Om FOS
- Styringsgruppa
- Grunnskulegruppa
- Barnehagegruppa
- PPT leiarfora
- Andre utval
- Handlingsplan
- Mandat leiarfora
- Retningsliner FOS
- Kursdatabasen
- Lokalt gitt eksamen
- VFL Sunnhordland
- Study visit 2012
- Internasjonalt
- Tilsyn barnehage
- Utdanningsval
- Besøksskular
- Lesing
- DKS
- Møteplan
- Linkar
- Arkiv
Kontaktinfo |
|---|
FOS |
Postboks 40 |
N-5559 Sveio |
Tlf: +4753748091 |
Mob: +4795919091 |
Fax: +4753748001 |
Retningsliner FOS
RETNINGSLINER FOR FOS - STYRINGSGRUPPA.
Mål:
Å samarbeida om oppgåver som blir løyste betre på regionalt nivå enn på lokalt nivå
Deltakarar
Den/dei fagleg ansvarlege for oppvekst i kvar kommune. Kvar kommune peikar ut ein fast representant i FOS med vararepresentant. Kvar kommune kan møta med både den faste representanten og vararepresentanten etter eige ynskje.
Omfang.
FOS omfattar desse kommunane i Sunnhordland:
Bømlo, Etne, Fitjar, Kvinnherad, Stord og Sveio
Organisasjon
Samarbeidet i FOS blir organisert som ein prosjektorganisasjon med ei styringsgruppe - seinare omtalt som Styringsgruppa. I tillegg vert det organisert fire ulike leiarfora:
· Grunnskulegruppa (omfattar grunnskule, DKS og vaksenopplæring
· Barnehagegruppa
· PPT
Helsestasjonane er og komen med dei siste åra etter eige initiativ. Styringsgruppa i FOS kan elles oppretta nye leiarfora etter behov. Dei ulike gruppene kan organisera seg i ulike nettverk. Alle nye grupper/nettverk skal godkjennast av Styringsgruppa.
Samarbeidspartar
Høgskulen Stord/Haugesund (HSH)
Fylkesmannen i Hordaland (FIH)
Vidaregåande skular
Den kulturelle skulesekken (DKS)
Senter for Yrkesrettleiing (SYR)
Samansetjing
Styringsgruppa i FOS skal vera samansett slik:
Ein fast representant frå kvar kommune. I tillegg kan kvar kommune stilla med ein vararepresentant etter eige behov. Dei ulike leiarfora og samarbeidspartane møter etter behov med ein representant kvar.
Leiing
Leiing av FOS skiftar slik mellom kommunane:
Kvinnherad-Stord-Bømlo-Sveio-Fitjar-Etne.
Leiarfunksjonen i Styringsgruppa skal rullerast med 2 års funksjonstid.
Ein bør søkja å unngå at det kjem ny leiar og sekretær samstundes.
Leiar/nestleiar eller dagleg leiar representerer FOS i AU hos Fylkesmannen si Utdanningsavdeling og møter og etter innkalling i rådmannsforumet.
Sekretariat.
FOS har eit sekretariat med nødvendig sekretærhjelp og tilgang på moderne kontorutstyr.
Sekretariatet ligg til vanleg i den kommunen som har leiinga. Styringsgruppa kan gjera serskilt vedtak dersom andre løysingar i periodar er meir tenlege. Dei siste 12 åra har sekretariatet hatt base i Sveio
Storleiken på sekretærressursen er i utgangspunktet 60% (for tida 90%) og blir fastsett av FOS for eitt år om gongen.
Sekretærressursen blir nytta slik:
· Leiing av sekretariatet
· Sekretær for FOS si styringsgruppe
· Sekretær for Grunnskulegruppa og Barnehagegruppa
· Sekretær for ulike leiarfora og prosjektgrupper etter avtale.
· Oppgåver frå rådmannsforumet , t.d. Kommunal leiaropplæring
Sekretæren blir lønna slik: Den som går inn i stillinga som sekretær, skal behalda lønsplassering og lønsutvikling til den stillinga han/ho kjem frå. Dersom sekretæren går frå ei undervisningsstilling eller liknande, blir lønsplasseringa kompensert med 2 lønssteg på hovudlønstabellen.
For sekretærdelen av stillinga, gjeld vanlege kommunale vilkår med omsyn til arbeidstid og ferie.
Møtefrekvens og innhald.
Til vanleg bør det vera minst 3 møte pr. semester. I særlege kan det vera oftare møte.
Møta bør innehalda følgjende moment:
· Samhandlingsdel
· Drøftingsdel
· Læringsdel
· Ideutvekslingsdel
· Vedtaksdel
Styringsgruppa tar stilling til prosjekt/arbeidsoppgåver frå dei ulike leiarfora/nettverk, og godkjenner eller ikkje godkjenner desse. Styringsgruppa kan og ta initiativ til nye prosjekt.
Samarbeid med HSH
Samarbeidet med HSH blir nedfelt i ein avtale. Avtalen bør revurderast kvar fjerde år i samband med skifte av leiing. Det bør arrangerast eit møte mellom FOS si leiing og leiinga ved HSH kvart år.
FOS må arbeida aktivt for å få til eit tettare og meir forpliktande samarbeid med dei vidaregåande skulane i regionen.
Årsmelding , handlingsplan og rekneskap
Sekretæren utarbeider årsmelding for kvart skuleår for verksemda i FOS. Årsmeldinga saman med rekneskapsoversyn blir lagt fram for Styringsgruppa på siste møte før ferien. I samband med drøfting av årsmelding og rekneskap, drøfter Styringsgruppa strategiar og arbeidsoppgåver for året som kjem. Strategi og arbeidsoppgåver skal munna ut i ein handlingsplan for FOS neste skuleår.
Ajourført 15.11.2011 JTE